¶ 👥 Partejar un fichièr o un repertòri dins Nextcloud
Nextcloud permet de partejar aisidament vòstres fichièrs e repertòris amb vòstres collègas o amb de personas exterioras, tot en contrarotlant los dreches d'accès.
¶ 1️⃣ Partejar amb un utilizaire o un grop
- Accedissètz al fichièr o repertòri que desiratz partejar.
- Clicatz sus l'icòna 🔗 « Partager » (a drecha del nom).
- Dins lo camp « Nom, groupe ou email », picatz lo nom de l'utilizaire o del grop (ex. Regent, APRENE, LIGAIRE).
- Definissètz los dreches :
- « Lecture seule » (per defaut)
- « Peut éditer » (autoriza la modificacion)
- « Peut partager » (autoriza la redifusion del ligam)
📌 Utilizatz lo partatge intèrne amb los collègas del malhum Calandreta per gardar vòstres fichièrs segurs.
¶ 2️⃣ Partejar amb un ligam public
- Clicatz sus « Partager par lien ».
- Copiatz lo ligam generat e transmetètz-lo a la persona concernida.
- Podètz apondre d'opcions de seguretat :
- « Mot de passe » requerit per accedir al ligam.
- « Date d’expiration » (lo ligam arrèsta de foncionar après aquela data).
- Dreches limitats : lectura sola, o autorizar lo televersament de fichièrs (practic per collectar de documents).
⚠️ Lo ligam public deu èsser utilizat sonque quand lo partatge intèrne es pas possible.
🔒 Lo senhal es obligatòri. Estelum refusa ara de crear un ligam public sens senhal : l'interfàcia vos lo demandarà, e es aqueste senhal que transmetretz a la persona per un autre canal (SMS, Talk, telefon).
📅 L'expiracion es prepausada, mas ajustabla. Un ligam public recep per defaut una data d'expiracion de 30 jorns. La podètz acorchir o retirar, mas gardatz lo reflèxe d'una durada corta : un ligam sens expiracion demòra actiu indefinidament.
¶ 3️⃣ Modificar o arrestar un partatge
- Dins lo panèl « Partage », podètz :
- Retirar un utilizaire o un grop.
- Desactivar un ligam public.
- Cambiar los dreches a tot moment.
¶ 4️⃣ Bonas practicas
Seguretat : senhal e data d'expiracion, sistematicament, pels ligams publics. Verificatz tanben l'onglet « Partages » del fichièr de temps en temps per escafar los que servisson pas pus.
Organizacion : evitatz de multiplicar los partatges de repertòris raiç, preferissètz partejar de sosrepertòris precises.
¶ 📞 Assisténcia
- 📧 Corrièl : contact@aprene.org
- 💬 Talk (se sètz ja connectat a Estelum) : Joan-Baptista HARDUIN
Darrièra revision : setembre 2026