¶ 🔒 Securizar son compte Estelum
Vòstre compte Estelum dona accès a vòstres fichièrs, vòstres corrièls, vòstre agenda e vòstres documents de trabalh. Qualques reglatges simples protegisson tot aquò — e vos evitan fòrça enquiquinaments.
Accès : 👉 https://estelum.aprene.org → avatar en naut a drecha → « Paramètres personnels » → « Sécurité »
¶ 1️⃣ Causir un senhal solid
- 12 caractèrs minimum, amb majusculas, minusculas, chifras e simbòls.
- Una frasa de senhal es mai solida e mai aisida de reténer :
CarboNada2026!Plaja - Pas jamai lo meteis senhal que sus un site personal.
- Lo transmetètz pas jamai per corrièl o Talk.
🔄 Cambiar lo senhal : « Paramètres personnels > Sécurité > Modifier le mot de passe ».
⚠️ Après un cambiament de senhal, vòstres aparelhs sincronizats (ordenador, mobile) demandaràn de lo tornar picar.
¶ 2️⃣ Activar la dobla autentificacion (2FA)
La 2FA apond un còdi temporari de 6 chifras, generat per una aplicacion sus vòstre telefon : quitament se qualqu'un coneis vòstre senhal, se pòt pas connectar.
- Installatz una aplicacion d'autentificacion : FreeOTP, Aegis, Google Authenticator o Authy.
- Dins Estelum : « Paramètres personnels > Sécurité > Authentification à deux facteurs ».
- Marcatz « Activer TOTP », escanejatz lo còdi QR afichat amb l'aplicacion.
- Picatz lo còdi de 6 chifras per confirmar.
- Notatz los còdis de secors prepausats : servisson se perdètz vòstre telefon.
💡 A la connexion seguenta, Estelum demandarà vòstre senhal puèi lo còdi de l'aplicacion.
⚠️ Sens vòstres còdis de secors e sens vòstre telefon, la recuperacion del compte passa per l'administrator. Conservatz-los dins un endrech segur (gestionari de senhals).
¶ 3️⃣ Senhals d'aplicacion (per Thunderbird, mobile, agenda…)
Devètz pas picar vòstre senhal Estelum dins un logicial tèrç. Creatz un senhal d'aplicacion dedicat :
- « Paramètres personnels > Sécurité > Créer un mot de passe d’application ».
- Donatz-li un nom clar (ex. Thunderbird portable, Agenda iPhone).
- Copiatz lo senhal generat e pegatz-lo dins lo logicial.
✅ Avantatge : se devètz copar l'accès d'un aparelh perdut, escafatz sonque aqueste senhal d'aplicacion, sens tocar als autres.
¶ 4️⃣ Sessions e aparelhs connectats
- « Paramètres personnels > Sécurité » : la lista de las sessions activas aficha los navigadors e aparelhs connectats.
- En cas de dobte (ordenador partejat, sala de formacion), clicatz sus « Déconnecter » al costat de la session concernida.
¶ 5️⃣ Reconéisser un messatge dobtós
- Estelum e APRENE vos demandaràn pas jamai vòstre senhal per corrièl.
- Un corrièl que reclama « vòstre identificant e senhal per evitar la barradura del compte » es una temptativa d'amaçatge : clicatz pas, senhalatz-lo.
- Verificatz totjorn l'adreça de l'expeditor :
contact@aprene.orges la referéncia per l'assisténcia.
📩 En cas de dobte : transferissètz lo messatge a contact@aprene.org sens clicar suls ligams.
¶ 6️⃣ Bons reflèxes al quotidian
- Blocatz vòstra session quand quitatz vòstre pòste (barratz l'onglet o desconnectatz-vos).
- Sus un ordenador partejat (sala informatica, formacion), connectatz-vos en navigacion privada e desconnectatz-vos a la fin.
- Marcatz « Se souvenir de moi » sonque sus vòstre aparelh.
- Senhalatz immediatament tota activitat inabituala a l'assisténcia.
¶ 📞 Assisténcia
- 📧 Corrièl : contact@aprene.org
- 💬 Talk (se sètz ja connectat a Estelum) : Joan-Baptista HARDUIN
Darrièra revision : setembre 2026