¶ 📅 Utilizar l'Agenda partejat (Calendar)
L'Agenda d'Estelum es sincronizat amb vòstre compte : i retrobatz vòstres rendètz-vos, los calendièrs partejats de vòstra escòla o de vòstre grop, e recebètz las invitacions per corrièl.
Accès : 👉 https://estelum.aprene.org → icòna « 📅 Agenda »
¶ 1️⃣ Se reperar dins l'agenda
En naut a drecha, quatre botons càmbian lo biais de veire la meteissa causa :
| Vista | A qué servís |
|---|---|
| « Mois » | Aver una vista generala : reperar las setmanas cargadas, las vacanças, los periòdes de formacion |
| « Semaine » | La vista de trabalh : veire las subreposicions, preparar un emplec del temps |
| « Liste » | Totes los eveniments a venir a la seguida, sens grasilha — la mai practica per legir çò qu'arriba |
| « Journée » | Lo detalh d'una sola jornada, ora per ora |
💡 Per preparar un periòde, la vista « Liste » es sovent mai clara que la grasilha : mòstra tot çò que ven, dins l'òrdre.
La colomna d'esquèrra lista vòstres calendièrs. Cada casa de marcar aficha o amaga un calendièr, e cada color servís a destriar d'un còp d'uèlh çò de personal de çò de professional.
¶ 2️⃣ Crear un rendètz-vos
- Dobrissètz « Agenda », puèi clicatz sus « + Nouvel événement ».
- Donatz-li un títol clar (ex. Conselh dels regents — escòla de Besièrs).
- Causissètz la data, l'ora de començament e la durada.
- Facultatiu : luòc, descripcion, pèça junta, rapèl.
- Clicatz sus « Enregistrer ».
💡 Podètz crear un eveniment dirèctament en clicant dins la grasilha, a la bona ora.
Lo rapèl se règla dins l'eveniment : « Rappel » → causissètz lo delai (15 minutas, 1 ora, 1 jorn abans…). Arriba jos forma de notificacion e, se l'avètz causit, per corrièl.
La pèça junta servís a jónher l'òrdre del jorn, un document de trabalh, una convocacion : demòra ligada a l'eveniment per totes.
¶ 3️⃣ Recurréncias : las reünions que tornan
Fòrça util per un conselh de classa mesadièr, una reünion d'equipa setmanièra, los regropaments de formacion.
- Dins lo formulari de l'eveniment, dobrissètz « Répéter ».
- Causissètz lo ritme : cada setmana, cada doas setmanas, cada mes…
- Precisatz lo nombre de repeticions o la data de fin.
⚠️ Es lo punt que suspren lo mai sovent : quand modificatz un eveniment que se repetís, Estelum vos demanda se volètz modificar aqueste solament, aqueste e totes los seguents, o totes. Una reünion desplaçada un sol còp se càmbia amb « Cet événement uniquement » — senon desplaçatz tota l'annada.
Per anullar una sola ocurréncia (una reünion que tomba pendent las vacanças), dobrissètz-la e escafatz-la en causissent « Cet événement uniquement ».
¶ 4️⃣ Invitar de participants
- Creatz l'eveniment, puèi dobrissètz « Participants ».
- Picatz lo nom o lo corrièl de la persona.
- Causissètz lo drech : « lecture seule » o « modification ».
- Enregistratz : l'invitacion partís automaticament per corrièl, e la responsa apareis dins l'agenda.
Çò que vei l'invitat : l'eveniment apareis dins son agenda, amb un boton per respondre « Accepter », « Peut-être » o « Refuser ». Sa responsa s'aficha puèi dins vòstre eveniment, al costat de son nom — pas pus besonh de tornar demandar per corrièl.
📌 Per una persona exteriora a APRENE (intervenent, partenari), l'invitacion per corrièl fonciona : recebrà un messatge amb los botons de responsa, sens aver besonh d'un compte Estelum.
🔒 Invitar es pas partejar : sols los invitats veson l'eveniment. Lo demai de vòstre agenda demòra personal.
¶ 5️⃣ Los calendièrs partejats
Segon vòstre perfil (escòla, grop, promocion), un o mantun calendièr partejat son visibles dins la colomna d'esquèrra.
- Marcatz/desmarcatz un calendièr per l'afichar o l'amagar.
- Cada calendièr a una color : cambiatz-la per vos i retrobar (clic drech sul calendièr → « Modifier »).
- Per crear vòstre pròpri calendièr : « + Nouveau calendrier » (ex. Mas formacions, Mas visitas).
📌 Un calendièr partejat se pòt modificar solament se lo proprietari vos a donat lo drech d'escritura. Senon lo vesètz, mas i podètz pas apondre d'eveniment — demandatz lo drech se fa partida de vòstre ròtle.
💡 Un calendièr « Calendriers d'anniversaire » apareis sovent tot sol : es lo dels contactes. Lo podètz amagar sens consequéncia.
¶ 6️⃣ Aplicacions mobilas e ordenador
Vòstre agenda Estelum utiliza l'estandard CalDAV : fonciona doncas tanben dins :
- l'aplicacion Nextcloud sus Android/iOS (panèl « Agenda ») ;
- Thunderbird, Outlook (amb un connector CalDAV), l'aplicacion « Agenda » de macOS/iOS, o GNOME/KDE sus Linux.
🔑 Cal utilizar vòstre identificant Estelum e un senhal d'aplicacion (« Paramètres » > « Sécurité » > « Créer un mot de passe d'application »). Vòstre senhal costumièr fonciona pas per aqueste tipe de connexion.
📖 Vejatz tanben 💻 Installar lo client de sincronizacion per vòstres fichièrs, e 📱 Aplicacions mobilas pel telefòn.
¶ 7️⃣ En cas de problèma
| Simptòma | Causa probabla | Qué far |
|---|---|---|
| Mas invitacions arriban pas | Adreça de corrièl inexacta, o diferenta de la del compte Estelum | Verificatz l'adreça del destinatari ; per un collèga APRENE, invitatz-lo amb son nom Estelum puslèu que per corrièl |
| Un rendètz-vos apareis en doble | Lo meteis calendièr es sincronizat dos còps (mobil + ordenador) | Amagatz lo calendièr en doble dins la colomna d'esquèrra |
| Vesi pas un calendièr partejat | Lo partatge es pas estat fach, o es amagat | Verificatz la colomna d'esquèrra ; senon demandatz al proprietari de partejar (lo drech « lecture » sufís per consultar) |
| Pòdi pas modificar un eveniment | Avètz sonque lo drech « lecture seule » | Demandatz lo drech « modification » al proprietari del calendièr |
| Mon eveniment recurrent a cambiat pertot | Avètz modificat totes los eveniments de la seria | Tornatz sus las datas concernidas, o tornatz crear la recurréncia amb la bona data de fin |
| Recebi pas los rapèls | Lo rapèl es pas activat sus l'eveniment | Dobrissètz l'eveniment → « Rappel » → causissètz un delai |
| L'agenda del telefòn se met pas a jorn | Sincronizacion en pausa, o identificants | Verificatz lo senhal d'aplicacion ; vejatz Sincronizacion |
¶ 📞 Assisténcia
- 📧 Corrièl : contact@aprene.org
- 💬 Talk (se sètz ja connectat a Estelum) : Joan-Baptista HARDUIN
Darrièra revision : setembre 2026