¶ 🔑 Primièra connexion a Estelum (Nextcloud)
Benvenguda sus Estelum, l'espaci numeric d'APRENE (instància Nextcloud).
Aquesta pagina vos guida per crear vòstre compte e far vòstra primièra connexion.
¶ 1️⃣ Crear vòstre compte
Per vòstra primièra connexion, vos cal d'en primièr crear un compte a l'adreça seguenta :
👉 https://estelum.aprene.org/apps/registration/
¶ Etapas :
- Picatz vòstra adreça de corrièl personala o professionala.
- Marcatz « Je reconnais avoir lu et accepté les conditions d'utilisation ».
- Clicatz sus « Demander un lien de vérification ».
- Dobrissètz vòstra bóstia de corrièl e clicatz sul ligam recebut — sens aquò, l'inscripcion contunha pas. Mantuna informacion vos serà alara demandada : nom, pichon nom, identificant e senhal, e tanben la lenga que desiratz per vos connectar.
- Causissètz vòstre identificant en seguissent la règla çai jos.
- Definissètz un senhal segur.
📌 Se recebètz pas lo corrièl, agachatz dins los indesirables e verificatz l'ortografia de l'adreça picada. Lo ligam se pòt tanben tornar demandar dempuèi la meteissa pagina.
⚠️ Vòstre compte deu puèi èsser validat per l'administrator.
Recebretz un corrièl quand vòstre compte serà activat. Comptatz en general qualques oras a 2 jorns obradisses. Tant que la validacion es pas facha, la connexion es refusada.
Se sètz pressat o pressada, escrivètz a contact@aprene.org.
¶ 🆔 Règlas per crear vòstre identificant
Vòstre identificant deu seguir aquelas règlas :
- Entre 3 e 10 letras de vòstre pichon nom (inclure l'iniciala se vòstre pichon nom es compausat).
- Apondètz un jonhent (
-). - Apondètz la primièra letra de vòstre nom d'ostal, puèi eventualament 1 o 2 letras suplementàrias per evitar los doblons (maximum 3 letras en tot).
- Totjorn en minusculas, sens accents, sens espacis, e amb un sol jonhent.
¶ Exemples :
- Nadau Cassan →
nadau-c - Joan-Loís Dupont →
joanl-d(ojoanl-dus'es ja pres) - Melània Fabre →
melania-f
⚠️ Se l'identificant que prepausatz es ja pres, apondètz una letra suplementària de vòstre nom.
💡 Format exacte acceptat : de 3 a 10 letras minusculas, un jonhent, puèi 1 a 3 letras minusculas (ex.
melania-f,joanl-du). Las majusculas, accents, chifras, espacis e jonhents multiples son refusats.
¶ 2️⃣ Se connectar a Estelum
Un còp inscrit e vòstre compte validat :
Anatz sus :
👉 https://estelum.aprene.org
- Picatz vòstre identificant e senhal.
- Clicatz sus « Se connecter ».
¶ 3️⃣ Securizar vòstre compte
¶ 🔒 Cambiar de senhal
A tot moment, podètz modificar vòstre senhal :
- Clicatz sus vòstre avatar / nom en naut a drecha.
- Seleccionatz « Paramètres Personnels > Sécurité ».
- Picatz un senhal novèl.
💡 Conselh : utilizatz un senhal d'al mens 12 caractèrs, amb letras, chifras e simbòls.
¶ 🔑 Activar la dobla autentificacion (2FA)
- Anatz dins « Paramètres > Sécurité ».
- Activatz « Authentification à deux facteurs ».
- Escanejatz lo còdi QR amb una aplicacion (Google Authenticator, Authy, FreeOTP).
📖 Per anar mai luènh : 🔒 Securizar son compte
¶ 📞 Assisténcia
- 📧 Corrièl : contact@aprene.org
- 💬 Talk (se sètz ja connectat a Estelum) : Joan-Baptista HARDUIN
Darrièra revision : setembre 2026