¶ 📂 Gerir mos fichièrs dins Estelum
Aquesta pagina explica los gèstes de basa sus vòstres documents : enviar, crear un repertòri, tornar nomenar, desplaçar, organizar — e subretot cossí nomenar vòstres fichièrs per los pèrdre pas jamai mai. La partida « recuperar un fichièr perdut » es tractada a despart.
Accès : 👉 https://estelum.aprene.org → icòna 📁 « Fichiers »
¶ 1️⃣ Se reperar dins la colomna d'esquèrra
| Entrada | Çò que conten |
|---|---|
| « Tous les fichiers » | Vòstre espaci complet (fichièrs personals + repertòris partejats) |
| « Fichiers personnels » | Sonque çò que vos aparten |
| « Récents » | Los fichièrs dobèrts recentament — lo mai rapid per tornar prene un trabalh |
| « Favoris » | Çò qu'avètz marcat d'una ★ |
| « Partages » | Çò qu'avètz partejat, e çò que d'autres an partejat amb vos |
| « Dossiers d'équipe » | Los repertòris comuns d'un grop (segon vòstre perfil) |
| « Étiquettes » | Filtre per mot clau qu'avètz pausat sus vòstres fichièrs |
| « Fichiers supprimés » | La banasta (veire ♻️ Recuperar un fichièr) |
💡 Lo bas de la colomna indica l'espaci utilizat (« 305 Mo utilisés sur 10 Go »). Se la barra s'apròcha del maximum, veire la seccion 8.
¶ 2️⃣ Enviar un fichièr (televersar)
Lo metòde mai simple : dobrissètz lo repertòri de destinacion, puèi lisatz-depausatz lo fichièr dempuèi vòstre burèu cap a la fenèstra del navigador.
Autrament :
- Dobrissètz lo repertòri ont volètz arrengar lo fichièr.
- Clicatz sus « + Nouveau » en naut a esquèrra.
- Causissètz « Envoyer un fichier » (o « Envoyer un dossier »).
- Seleccionatz lo fichièr sus vòstre ordenador.
⚠️ Un fichièr gròs (mantun centenat de Mo) pòt prene de temps : barratz pas l'onglet pendent l'enviament. Una barra de progression apareis en naut.
💡 Per enviar mantun fichièr d'un còp, seleccionatz-los totes dins la fenèstra de causida (Ctrl+clic o Cmd+clic).
¶ 3️⃣ Crear un repertòri
- Plaçatz-vos dins lo repertòri parent.
- Clicatz sus « + Nouveau » → « Nouveau dossier ».
- Donatz-li un nom e validatz.
¶ 4️⃣ 🏷️ Cossí nomenar vòstres fichièrs e repertòris
Es la partida mai utila d'aquesta pagina : un fichièr plan nomenat se retròba en tres segondas ; un fichièr mal nomenat es perdut per tot lo monde.
¶ La règla APRENE : sens accent, sens espaci
Nomenatz sens accents e sens espacis.
EscrivètzCompte-rendu-reunion-familles-2026-10-15.odte non pasCompte rendu réunion familles.odt.
Perqué aquela règla, alara qu'Estelum accepta los accents ? Avèm verificat : lo servidor accepta sens broncar los accents (accent é.odt) e los espacis (a b.odt). Lo problèma es doncas pas Estelum, mas tot çò que tòca puèi vòstres fichièrs :
- las sincronizacions entre aparelhs (Windows, macOS, Linux, mobiles) pòdon refusar, tornar nomenar o duplicar un nom accentuat ;
- los enviaments per corrièl o per Send degalhan de còps los accents, lo destinatari recep
Compte rendu réunion; - los logicials burotics ancians e las claus USB formatadas autrament gerisson mal los accents e los espacis ;
- los escripts e los tractaments automatics (formularis, expòrts) se trucan als espacis ;
- un espaci en fin de nom es invisible e provòca de doblons inexplicables.
¶ Los bons caractèrs, los marrits
| De far | D'evitar |
|---|---|
Letras a-z A-Z |
Accents, cedilhas : é è à ç ù ô |
Chifras 0-9 |
Espacis (quitament un sol) |
Jonhent - |
Apostròfas ' e verguetas |
Jonhent bas _ (se cal) |
Virgulas , e ponches virgulas ; |
| Un sol ponch abans l'extension | Simbòls & # @ % ° ( ) [ ] { } |
| Emojis e pictogramas |
Metètz los mots en majusculas puslèu que d'emplegar d'accents : Anada-2026-2027-EFECTIUS puslèu que Année 2026-2027 effectifs.
¶ Lo metòde de nomenatge en 4 blòcs
Date_Sujet_Type_Version
| Blòc | Format | Exemple |
|---|---|---|
| Data | AAAA-MM-JJ (l'annada d'en primièr !) |
2026-10-15 |
| Subjècte | qualques mots, sens espaci | Reunion-familles |
| Tipe | CR, Budget, Fiche, Convocation |
CR |
| Version | v1, v2, VF (version finala) |
v2 |
Çò que dona : 2026-10-15_Reunion-familles_CR_v2.odt
💡 La data en primièr e a l'envèrs (
AAAA-MM-JJ) es lo ponch mai important : es aquò que fa que los fichièrs se classan tot sols dins l'òrdre cronologic, per òrdre alfabetic.
¶ Exemples concrèts
| ❌ D'evitar | ✅ De preferir |
|---|---|
Compte rendu réunion.odt |
2026-10-15_Reunion-familles_CR.odt |
budget |
2026_Budget-previsionnel_v3.ods |
Photo (2).jpg |
2026-09-01_Sortida-Aussalesa_Photo-01.jpg |
EFECTIUS A CIRE 2026 2027 définitif.xlsx |
2026-2027_EFECTIUS-CIRE_VF.ods |
doc1 |
2026-11-03_Convocation-conselh.odt |
¶ Nomenar los repertòris
Meteissas règlas. Pels repertòris, metètz l'annada escolara en primièr quand es un classament per annada :
2026-2027_Formations2026-2027_EFECTIUSAdministratiu,Pedagogia,Formacions(sens accent, sens espaci)
📌 Una arborescéncia simpla e establa val mai qu'un classament sabent : Administratiu, Pedagogia, Formacions bastan a la màger part dels usages.
¶ 5️⃣ 📄 Formats liures o formats Microsoft ?
¶ Los formats liures, d'utilizar per defaut
| Tipe | Extension | Logicial liure |
|---|---|---|
| Document tèxte | .odt |
LibreOffice Writer, Collabora |
| Fuèlh de calcul | .ods |
LibreOffice Calc, Collabora |
| Presentacion | .odp |
LibreOffice Impress, Collabora |
.pdf |
lectura universala |
Perqué los preferir :
- Son dobèrts e documentats : demoraràn legibles d'aquí a dètz ans, sens dependre d'un editor.
- Se dobrisson dins Collabora (l'editor integrat a Estelum) sens pèrda de mesa en pagina ; es lo format natiu.
- Son confòrmes al principi del logicial liure portat per APRENE — e recomandats pels documents de l'Educacion nacionala.
- Son mai compactes : un
.odtpesa sovent la mitat d'un.docxequivalent.
¶ Los formats Microsoft : tolerats, pas recomandats
.docx, .xlsx, .pptx se dobrisson e se modifican dins Estelum, mas :
- la mesa en pagina se decala sovent (polissas, tablèus, entèstas) ;
- cada anar e tornar
.odt→.docx→.odtdegrada un pauc mai lo document ; - la collaboracion en temps real es mens fisabla qu'amb un format liure.
⚠️ S'un correspondent exterior vos impausa un
.docx: trabalhatz en.odt, e exportatz en.docxsonque al moment de l'enviament (« Fichier ▸ Télécharger sous ▸ Word »).
💡 Per crear un document : dins Estelum, « + Nouveau » → « Nouveau document texte » (
.odt), « Nouveau tableur » (.ods), « Nouvelle présentation » (.odp). Veire 📝 Nextcloud Office.
¶ Autres formats utils
| Extension | Usage |
|---|---|
.pdf |
Enviar un document non modificable (convocacion, corrièr oficial) |
.eml |
Un corrièl enregistrat dins Estelum (dempuèi l'aplicacion Mail) |
.zip |
Recampar mantun fichièr — d'evitar per un document isolat |
.jpg, .png |
Imatges ; .png per las capturas d'ecran, .jpg per las fòtos |
.mp4 |
Vidèos (atencion : voluminosas, susvelhatz lo quota) |
⚠️ Utilizatz pas jamai lo ponch coma separador de mots (
2026.10.15.reunion.odt) : lo servidor s'i pèrd e lo fichièr s'aficha de còps sens extension. Utilizatz lo jonhent.
¶ 6️⃣ Tornar nomenar, desplaçar, copiar
Per totas aquelas accions, lo metòde es lo meteis :
- Reperatz la linha del fichièr o del repertòri.
- Clicatz sul menú ⋯ (a drecha de la linha).
- Causissètz : « Renommer », « Déplacer ou copier », « Définir un rappel », « Enregistrer sous… », « Verrouiller le fichier »…
ℹ️ « Déplacer ou copier » dobrís una fenèstra ont navegatz dins l'arborescéncia. Lo boton del bas bascula entre las doas accions : « Déplacer ici » e « Copier ici ». Verificatz plan quin es actiu.
💡 Tornar nomenar es pas la meteissa causa que crear una novèla version. Tornar nomenar un document partejat càmbia son nom per tot lo monde. Prevenètz vòstres collègas s'es un document de trabalh corrent.
¶ 7️⃣ Organizar : favorits, etiquetas, blocatge
Los favorits — per retrobar en un clic çò que dobrissètz sovent :
- menú ⋯ → « Ajouter aux favoris ». Lo fichièr apareis alara dins « Favoris ».
Las etiquetas — per classar un meteis fichièr dins mantun « tèma » sens lo desplaçar :
- menú ⋯ → « Gérer les étiquettes » → creatz o causissètz una etiqueta (
Formacions,Budget,Familias…). - Se pòt pausar mantuna etiqueta sus un meteis document.
✅ L'interès de las etiquetas : un document pòt èsser a l'encòp Formacions e Budget sens èsser duplicat dins dos repertòris.
Lo blocatge — per evitar qu'un document siá modificat pendent que trabalhatz dessús :
- menú ⋯ → « Verrouiller le fichier ». Los autres lo veson en lectura sola fins que lo desbloquetz.
Sincronizar puslèu que televersar — se modificatz sovent los meteisses documents, lo client de sincronizacion evita totes aqueles gèstes.
¶ 8️⃣ Espaci, talha e quota
- Lo bas de la colomna d'esquèrra aficha vòstra consomacion.
- Vòstre espaci es de 10 Go per defaut.
- Se l'espaci es plen : voidatz la banasta, cercatz los fichièrs gròsses (menú ⋯ → « Afficher » → « Taille »), puèi demandatz una aumentacion a l'assisténcia se cal.
📩 Per una demanda d'aumentacion : precisatz l'usage previst (per exemple « vidèos de formacion ») — es mai rapid de tractar.
¶ 9️⃣ En cas de problèma
| Simptòma | Causa probabla | Qué far |
|---|---|---|
| L'enviament demòra blocat a 0 % | Fichièr fòrça gròs o connexion instabla | Utilizatz 📤 Send, o lo client de sincronizacion |
Un fichièr apareis en doble (2) |
Enviament repetit, o conflicte de sincronizacion | Dobrissètz los dos, gardatz lo bon, escafatz l'autre |
Lo nom d'un fichièr es vengut illegible (réunion) |
Accents degalhats per un transferiment | Tornatz nomenar sens accent (seccion 4) |
| Lo fichièr enviat apareis pas | Pagina pas refrescada | Tornatz cargar la pagina (F5) |
| « Espace insuffisant » | Quota atench | Seccion 8 |
| Tròbi pas pus un fichièr | — | 🔎 Recèrca, o « Fichiers supprimés » |
| Pòdi pas modificar un document | Blocat, o partejat en lectura sola | Seccion 7 e 👥 Partatge |
| Lo document se dobrís decalat | Format .docx/.xlsx |
Trabalhatz en .odt/.ods (seccion 5) |
¶ 📞 Assisténcia
- 📧 Corrièl : contact@aprene.org
- 💬 Talk (se sètz ja connectat a Estelum) : Joan-Baptista HARDUIN
Darrièra revision : setembre 2026