Aquesta pagina recampa los problèmas mai frequents, servici per servici. Començatz per cercar vòstre simptòma ; se lo trobatz pas, l’assisténcia es en bas de pagina.
| Simptòma | Causa probabla | Qué far |
|---|---|---|
| « Identifiant ou mot de passe incorrect » | Error de picatge, o senhal cambiat | Verificatz l’identificant (format melania-f), las majusculas e minusculas, puèi tornatz inicializar lo senhal |
| « Votre compte n’est pas encore activé » | L’inscripcion espèra la validacion de l’administrator | Esperatz (qualques oras a 2 jorns obrats) o escrivètz a contact@aprene.org |
| Lo senhal ven d’èsser cambiat, los aparelhs lo tornan demandar | Normal : la session dels aparelhs es revocada | Tornatz picar lo senhal novèl sus cada aparelh |
| Connexion refusada après un cambiament d’identificant | L’identificant a cambiat, pas lo senhal | Utilizatz lo novèl identificant, o demandatz-lo a l’assisténcia |
📖 Detalh complet : 🔑 Primièra connexion e 🔒 Seguretat del compte.
| Simptòma | Causa probabla | Qué far |
|---|---|---|
| Ai escafat un fichièr | Es dins la banasta | ♻️ Recuperar un fichièr escafat |
| Lo fichièr es estat modificat per error | Las versions conservan l’istoric | Meteissa pagina, seccion Tornar a una version precedenta |
| « Espace insuffisant » | Quòta atencha (10 Go per defaut) | Voidatz la banasta, puèi demandatz una aumentacion se necessari |
| Un fichièr apareis en doble amb un sufixe estranh | Conflicte de sincronizacion | Dobrissètz los dos, gardatz lo bon, escafatz l’autre |
| Vesi pas un repertòri que mos collègas veson | Sètz pas dins lo bon grop | Verificatz vòstres repertòris partejats, puèi senhalatz-o |
📖 Vejatz tanben : 🧭 Comptes e accès.
⚠️ Evitatz de sincronizar un repertòri plan gròs sus un ordenador amb pauc d’espaci : es la primièra causa de saturacion.
| Simptòma | Çò que se passa | Qué far |
|---|---|---|
| « Nouvelle version du fichier détectée » | Doas versions concurrentas | 🩺 Conflicte d’edicion |
| Lo document se dobrís en lectura sola | Avètz pas lo drech d’edicion | Demandatz « peut éditer » al proprietari |
| « Erreur lors du chargement du document » | Session expirada o connexion instabla | Barratz l’onglet, esperatz 20 s, tornatz dobrir lo document |
| Lo document demòra blocat en « en cours d’édition » | Un onglet ancian garda lo verrolh | Barratz totes los onglets del document, esperatz, tornatz dobrir |
Se lo problèma es isolat (vos sol(a), o un sol luòc), legissètz 🤔 Perqué aquò marcha per d’unes e pas per d’autres : vòstre material, vòstre ret, o lo relai de Talk.
Se recebètz lo senhalament : 📩 Senhalar un problèma d’apèl.
| Simptòma | Causa probabla | Qué far |
|---|---|---|
| « Identifiants incorrects » | Senhal diferent del d’Estelum | Utilizatz lo senhal de la messatjariá |
| Lo compte se connècta pas mai après un cambiament a l’operator | Paramètres obsolets | Escafatz lo compte dins Mail e tornatz-lo apondre → 📧 Mail |
| Recebi pas mai de corrièls novèls | Connexion perduda | Verificatz l’estat del compte dins los paramètres Mail |
🎧 La màger part dels problèmas d’apèl venon del material o del ret (aplicacion qu’ocupa lo micro, casc Bluetooth, Wi-Fi d’establiment que blòca las connexions dirèctas).
Metòde de diagnostic en 4 questions : 🎧 Micro, camèra, ret.
| Simptòma | Causa probabla | Qué far |
|---|---|---|
| Un participant ausís pas res | Autorizacions de micro/camèra refusadas | Autorizatz l’accès dins lo navigador, puèi tornatz cargar |
| L’apèl es sacadat | Connexion febla o Wi-Fi partejat | Copatz la vidèo, gardatz l’àudio ; evitatz mantun apèl simultanèu |
| Pas de son al partatge d’ecran | Confusion de sortida àudio | Lo partatge d’ecran transpòrta pas totjorn lo son : avertissètz los participants |
| Lo navigador prepausa pas l’apèl | Navigador pas pres en carga | Utilizatz Firefox, Chrome o Edge |
| L’enregistrament refusa de s’aviar | Sètz pas moderator, o un enregistrament es ja en cors | Vejatz 💬 Talk |
| Simptòma | Causa probabla | Qué far |
|---|---|---|
| L’assistent apareis pas | Pagina pas tornada cargar | Tornatz cargar, utilizatz un navigador recent |
| La responsa arriba pas, o plan lentament | Motor d’IA ocupat (servís tota la comunitat) | Tornatz ensajar dins qualques minutas |
| La responsa es falsa o fòra subjècte | Demanda tròp vaga, o limita del modèl | Tornatz formular, donatz mai de contèxte, aumentatz lo mòde de reflexion |
| L’assistent tròba pas un document | Nom aproximatiu | Donatz lo nom exacte del fichièr o jonhètz-lo → 🔎 Recèrca |
Per un problèma qu’es pas dins aquesta lista, escrivètz-nos en precisant :
📧 contact@aprene.org
💬 Talk : Joan-Baptista HARDUIN (se sètz ja connectat a Estelum)
Darrièra revision : setembre 2026